२० असाेज २०७९, बिहीबार
पेलोसीले ताइवान भ्रमण गरेपछि चीनले थाल्यो सैन्य अभ्यास
  • मध्यमार्ग

काठमाडौं । अमेरिकी सभामुख न्यान्सी पेलोसीले ताइवानको भ्रमण गरेर फर्केलगत्तै चीनले सैन्य अभ्यास सुरु गरेको छ ।

२५ वर्षमा ताइवान भ्रमण गरेकी सबैभन्दा वरिष्ठ अमेरिकी राजनीतिज्ञ पलोसीले राजधानी ताइपेईमा नेताहरूसँग भेटवार्ता गरेकी थिइन् ।

वृहत एसियाली भ्रमणको अंश ठानिएको यस भ्रमणलाई लिएर बेइजिङ भने क्रुद्ध छ । किनकी उसले यस टापु राष्ट्रमा भ्रमणविरुद्ध दिएको चेतावनीको पेलोसीले बेवास्ता गरिन् । ताइवान एउटा स्वशासित टापु हो तर चीनले उसमाथि दाबी गर्दै आएको छ र बिस्तारै यो आफूमा गाभिने विश्वास गर्छ ।

पेलोसीको भ्रमणप्रति प्रतिक्रिया स्वरूप चीनले ताइवानबाट १६ किलोमिटर मात्र टाढा रहेको समुद्र वरपर सैन्य अभ्यास घोषणा गरेको छ ।

आजदेखि सुरु हुने पाँच दिन लामो अभ्यास विश्वका केही व्यस्त जलमार्गहरूमा समेत हुनेछन् । त्यसमा लामो दूरीको प्रत्यक्ष गोलाबारीु समेत हुनेछ । बीबीसी

  • १९ साउन २०७९, बिहीबार ०८:४५ मा प्रकाशित
  • Nabintech