९ असाेज २०७९, आईतबार
काठमाडौं प्रहरीको कमाण्ड एसएसपी बोहरालाई
  • मध्यमार्ग

काठमाडौं- जिल्ला प्रहरी परिसर काठमाडौंको प्रमुखको जिम्मेवारी प्रहरी वरिष्ठ उपरीक्षक (एसएसपी) भरत बहादुर बोहराले पाएका छन्।

गृह मन्त्रालयले बुधबार ६ जना एसएसपीको काज सरुवा गर्दै काठमाडौं प्रहरी प्रमुखको जिम्मेवारी एसएसपी बोहरालाई दिएको हो।

यस्तै, काठमाडौं उपत्यका अपराध अनुसन्धान कार्यालयको प्रमुखमा एसएसपी जनक भट्टराईको सरुवा गरिएको छ

प्रहरी महानिरीक्षकको सचिवालयमा कार्यरत एसएसपी विष्णु केसीलाई अपराध अनुसन्धान विद्यालय महाराजगञ्जामा सरुवा गरिएको छ।

यस्तै, लागुऔषध नियन्त्रण ब्यूरो प्रमुखको जिम्मेवारी एसएसपी विकासराज खनाललाई दिइएको छ भने विपद् व्यवस्थापन महाशाखामा एसएसपी कुवेर कडायत र मानव बेचबिखन ब्यूरोमा एसएसपी अनुराग द्विवेदीलाई सरुवा गरिएको छ।

काठमाडौं परिसर, काठमाडौं उपत्यका अपराध अनुसन्धान कार्यालय, मानव बेचबिखन ब्यूरोलगायतमा कार्यरत एसएसपी हालै डीआईजीमा बढुवा भएपछि ती कार्यालय प्रमुखविहीन भएका थिए।

  • २२ असार २०७९, बुधबार १७:१८ मा प्रकाशित
  • Nabintech