काठमाडौँ । सुनसरीमा शुक्रबार साथीलाई भेट्न घरबाट गएका युवक बेपत्ता भएपछि प्रहरीले खोजी सुरु गरेको छ ।

सुनसरीको दुहबी नगरपालिका– ६ का १८ वर्षीय अफरोज मिया बेपत्ता भएका हुन् ।

शुक्रबार घरबाट निस्किएका उनी घर नफर्केपछि शनिबार परिवारले परिवारलाई खबर गरेका थिए ।

प्रहरीले युवकका तीन जना साथीलाई पक्राउ गरेको छ ।

उनीहरुले अफरोजको हत्या गरी बूढी खोलामा फालेको बयान दिएका प्रहरीले जनाएको छ ।

त्यही बयानकै आधारमाा प्रहरीले बूढीखोला आसपास युवकको खोजी गरिरहेको छ ।

आइतबार राती खोलामा कपडा भेटिएको प्रहरीले जनाएको छ ।

बाढीका कारण खोजी गर्न अप्ठ्यारो परेको तर सोमबार विहानैदेखि खोजी गरिरहेको प्रहरीको भनाइ छ ।

सोमबार प्रहरीले शंकास्पद स्थानहरुमा डोजर प्रयोग गरेर खोजी गरेको थियो । शव फेला परेको छैन ।

प्रहरीले पक्राउ ष्जना दुहबी नगरपालिका– ६ र एक जना मोरङको बूढीगंगा गाउँपालिकाका हुन् ।