९ असाेज २०७९, आईतबार
पहिले बलात्कार गरे, त्यसपछि गरगहना लुटेर भागे
  • मध्यमार्ग

जबर्जस्ती करणी तथा लुटपाट गरेको आरोपमा बझाङमा २ जना पक्राउ परेका छन्।

बझाङको केदारस्यू गाउँपालिका– ५ बगडीस्थित आखेथर खेतमा चैत ४ गते बेलुकी ६:१५ बजेको समयमा परिवर्तित सांकेतिक नामथर चैनपुर ११६ लाई जबर्जस्ती करणी गरी लुटपाट गरेको आरोपमा उनीहरुलाई पक्राउ गरिएको हो।

पक्राउ पर्नेमा भारत पश्चिम बंगाल प्रान्त माल्दा जिल्ला घर भइ हाल बझाङ बुंगल नगरपालिका अन्तर्गत रहेको कालङ्गा हाईड्रोपावरमा विजुलीको लाइन विस्तार गर्दै आएका २९ वर्षीय विजय राजवंशी र सोही स्थानमा बस्ने २२ वर्षीय सन्तान मुर्मु भन्ने सनातन मुर्मु रहेका छन्।

जबर्जस्ती करणी गरी सुनका गरगहनाहरु (नाकको नथिया, कानका रिङ, घाँटीमा लगाएको तिलहरी र मंगलसुत्र गरी कुल ३ तोला ४ आना) लुटपाट गरेका प्रहरीले जनाएको छ।

उनीहरू घटनास्थलबाट भागेको भन्ने जाहेरीको आधारमा खोजी गर्दा उनीहरुलाई पक्राउ परेका प्रहरीले जनाएको छ।

उनीहरु दुवै जनालाई मंगलबार बेलुका केदारस्यू गाउँपालिका–५ बगडी एरियामा लुकिछिपि बसेको अवस्थामा पक्राउ गरिएको बझाङ प्रहरीले जनाएको छ।

प्रहरीका अनुसार बझाङ जिल्ला अदालतबाट ५ दिनको म्याद थप गरेर उनीहरुमाथि अनुसन्धान थालिएको छ।

 

  • ९ चैत २०७८, बुधबार २३:२७ मा प्रकाशित
  • Nabintech