१७ असाेज २०७९, सोमबार
बेग्लाबेग्लै स्थानमा डुबेर ५ जनाको मृत्यु
  • मध्यमार्ग

 

बेग्लाबेग्लै स्थानमा डुबेर ५ जनाको मृत्यु भएको छ ।

इलाम, माई नगरपालिका–१ तेह्रकुनेस्थित पोखरीमा डुबेर सोही ठाउँ बस्ने तेज बहादुर राइको ११ वर्षीय छोरा वर्धन राइको बिहीबार दिउँसो मृत्यु भएको छ । साथीहरुसँग पौडी खेल्ने क्रममा डुबेर वेपत्ता भएका उनको खोजी गर्ने क्रममा शव फेला परेको हो ।

कैलाली, घोडाघोडी नगरपालिका–२ थुम्कीस्थित चिडिया तालमा डुबेर सोही ठाउँ बस्ने १९ वर्षीय बिशाल बिष्टको बिहीबार दिउँसो मृत्यु भएको छ । उक्त तालमा पौडी खेल्ने क्रममा डुबेर अशक्त भएका उनको घोडाघोडी अस्पताल सुखडमा उपचारको क्रममा मृत्यु भएको हो ।

अछाम, मंगलसेन नगरपालिका–३ लछिमना टोलस्थित चित्रे दोभानको कैलाश खोलामा पौडी खेल्ने क्रममा डुबेर सोही ठाउँ बस्ने २८ वर्षीय मिन बहादुर ढोलीको बिहीबार दिउँसो मृत्यु भएको छ । उक्त खोलामा मलामी गएको अवस्थामा अस्तु सेलाउने क्रममा अचानक चिप्लिएर खोलामा डुब्दा उनको मृत्यु भएको हो ।

सिन्धुपाल्चोक, चौतारा साँगाचोक गढी नगरपालिका–१३ झ्याडी खर्कस्थित झ्याडी खोलामा पौडी खेल्ने क्रममा डुबेर सोही ठाउँ बस्ने ठग बहादुर रानाकी १६ वर्षीया छोरी रमा रानामगरको बिहीबार दिउँसो मृत्यु भएको छ ।

रौतहट, चन्द्रपुर नगरपालिका–२ छाँगासिर झरनाको पानीमा डुबेर सोही ठाउँ बस्ने ३२ वर्षीय कमल उपाध्यायको बिहीबार दिउँसो मृत्यु भएको छ ।

  • ४ चैत २०७८, शुक्रबार १४:०६ मा प्रकाशित
  • Nabintech