१७ असाेज २०७९, सोमबार
शिक्षक महासंघको सहमति कानुन अनुसार कार्यान्वयन हुन्छ : शिक्षामन्त्री पौडेल
  • मध्यमार्ग

शिक्षा, विज्ञान तथा प्रविधिमन्त्री देवेन्द्र पौडेलले शिक्षक महासंघसँग गरेको सहमति कानुन अनसार कार्यान्वयन गर्ने बताएका छन्।

धादिङको गंगाजमुना गाउँपालिकाको शिवालय र तामाङखर्क माविको भवन उद्घाटन गर्दै मन्त्री पौडेलले शिक्षक महासंघसँग गरेको सहमति संघीयता विरोधी नभएको दाबी गरे।

‘शिक्षक महासंघसँग गरेको सहमतिको विषयमा विभिन्न सवालहरु उठेका छन्’ मन्त्री पौडेलले भने, ‘संघीयताको मर्मअनुसार कानुनसँग नबाझिने तरिकाले कार्यान्वयन हुन्छ।’

संविधान अनुसार अधिकार दिने विषयमा आफू प्रतिबद्ध रहेको बताउँदै आगामी वर्षदेखि एसईई प्रदेशलाई जिम्मा दिने तयारीमा रहेको मन्त्री पौडेलले बताए।

मन्त्री पौडेलले शिक्षामा बजेटको आकार बढाउने विषयमा प्रधानमन्त्रीसँग पनि छलफल गरेको बताउँदै आगामी वर्षमा बजेटको आकार बढ्ने विश्वास दिलाए।

‘शिक्षा सुधारका लागि योजना बनाएका छौं,’ मन्त्री पौडेलले थपे, ‘आगामी वर्षको बजेटमा शिक्षामा बजेटका आकार बढ्छ।’

 

  • २५ फागुन २०७८, बुधबार २२:३६ मा प्रकाशित
  • Nabintech